अब द्याखौ का होय'
गरहन लागा चंद्र पर,
द्याखै जुटि गे लोग।
कोऊ ब्वालै 'सुपर' यहु,
कोऊ कहै 'ब्ल्यू मून'।
द्याखै जुटि गे लोग।
कोऊ ब्वालै 'सुपर' यहु,
कोऊ कहै 'ब्ल्यू मून'।
नील-पियर रक्ताभ यहु,
मन पर डारै डोर।
जम्बू द्वीप डोलाय यहु,
सागर तट का होय !!
मन पर डारै डोर।
जम्बू द्वीप डोलाय यहु,
सागर तट का होय !!
कहैं घरैतिन घर रहौ,
अश्लेष नछत्तर तोर।
तुम्हरै राशी पर लगा,
कर्क-राशि पै जोर।
अश्लेष नछत्तर तोर।
तुम्हरै राशी पर लगा,
कर्क-राशि पै जोर।
मंगल पर टेढ़ी नज़र,
राहु धरैं दोउ गोड़।
चाउर तिलवा दान कर,
तुलसी-दल तर भेय।
राहु धरैं दोउ गोड़।
चाउर तिलवा दान कर,
तुलसी-दल तर भेय।
गाढ़े माँ जियरा फंसा,
रहि रहि रहा डेराय।
बाघै निपटै शीत यहु,
माघ महीना आय ।
रहि रहि रहा डेराय।
बाघै निपटै शीत यहु,
माघ महीना आय ।
डेढ़ सैकड़ा बाद यहु,
पुनि आवा है जोग।
चैनल चैनल रोर यहु,
अब द्याखौ का होय।
पुनि आवा है जोग।
चैनल चैनल रोर यहु,
अब द्याखौ का होय।
भीतर ते हलकान जिव,
बाहर ते तनियाय -
'अनहोनी होनी नहीं,
'होनी होय सो होय।'
बाहर ते तनियाय -
'अनहोनी होनी नहीं,
'होनी होय सो होय।'
-------
No comments:
Post a Comment