होरी रंग, रंग डारी !!!

Published by Rakesh Tewari · March 1 at 10:20pm · 

होरी रंग, रंग डारी !!! 

ऊँची ऊँची रे अटारी,
चढ़ि मारी पिचकारी।
बाहर भीतर ना विचारी,
ऐसो रंग, काहे डारी !!! 

उज्जर बसन मोरा
लाल रंग डारी।
टेसू टहकारी, डारी,
ऐसो रंग, काहे डारी !!! 

गुलाबी रंग डारी, 
डारी, इतर फुलेल, डारी। 
नीला रंग डारी,
ऐसो रंग, काहे डारी !!!

रंग में सजाई, गोरी,
सांवरी सलोनी, डारी।
धानी, बरजोरी, डारी,
ऐसो रंग, काहे डारी !!! 

नाहीं भूले तोरी गारी, 

रस में पगाय डारी।  

जियरा जुड़ाय डारी, 

ऐसो रंग, काहे डारी !!!   

हेल-मेल डारी, डारी,
घोरि कै बनाय डारी।
दिनो दिन गढ़ाई,
ऐसो रंग, काहे डारी !!! 

राग मोह रंग डारी, 

सातो रंग हलोर डारी,

नेह रंग भेय डारी, 

ऐसो रंग काहे डारी !!

घेरि घेरि, होरी डारी,
होरी रंग, रंग डारी।
छूटै ना छोड़ाय डारी,
ऐसो रंग, काहे डारी !!!

ऐसो रंग, काहे डारी !!! 
-------

होली की शुभ कामनाओं सहित
http://www.holifestival.com/ae/en/festival-of-colours